文章分類: 今日發現～ (水晶 blog)

尼泊爾菜~

thai_crystal — Thu, 10 Sep 2009 23:13:44 +0800

第一次食尼泊爾菜食後感係....唔多岩食,首先梗係要多謝我2位尼泊爾同事煮佢地既家鄉菜,我先有機會試到啦~

記得試左4樣食品,第1樣係佢地既炸包包條,感覺似油炸鬼同煎對既mix版, 第2樣係咖哩薯仔味道都幾辣,第3樣係炒苦瓜味道係勁苦...最後係蘿白炆雞味道竟然係大陸成日食到既蘇蘇香草味....可能我食開淡味,太濃味我都係唔多岩食...但同事話已經就我地辣已經係小辣,苦更加係唔覺苦,真係對唔住我本身已經夠苦,所以唔食苦瓜..哈哈~

不過lee排福食有蒸魚,冬菇蒸雞,豉汁蒸排骨,青紅蘿蔔湯,花生雞腳湯,冬瓜排骨湯,始終都係中國野岩食d亦估唔到我既尼泊爾同事都好鐘意食中國野....

深圳再食川菜~

thai_crystal — Sat, 05 Sep 2009 10:57:10 +0800

流沙奶黃包同芒果黑糯米甜品,其實味道都ok係感覺差小小啦,我叫佢a貨啦因為整得幾似架喇~

依然咁滑既口水雞走辣版同雞油浸菜,味道都唔錯~

有蛋香既蔥油餅真係好正,變細版鍋貼都可以

擔擔麵真係好好味可惜變左bb版,係超市見到三水妹,買左返嚟哈哈~

唔記得上次係幾時食過lee間川菜,只記得好好味同好平,今次決定再返深圳再去探訪,得返嚟既結果係預計唔到~

今次返去一心係為左家姐婚禮作準備,,,及順便去食多次lee間川菜,買野都好順利係3個鐘內已經買到所需要既野,因為時間問題我地點到已經前往食川菜既附近,因為唔熟路,我地沿地鐵站經過商場再過去,真係天有不測之風雲,行商場既時候突然傍陀大雨....好似黑雨咁大雨,本身諗住搭的士去食野既,問路後知道原來好近,咁細雨我地就行過去...可能太大雨喇,水浸既情況就出現,我一對入哂水既腳真係好難形容,雖然行錯左方向最後都唔難搵到,一心抱著其望既心態去食餐好野,回味一下....

一坐底我同阿妹已經入廁所處理下對水鞋,入到廁所竟然見到有個洗衣機,我仲諗e可以整乾對襪,點知唔work既,可能太輕部野feel唔到有野啦,咁算啦,出到去想叫野既時候,我朋友同我講你睇下,間野加哂價,我一睇係wo,以前食都係廿幾至四十幾,宜家加左成陪,但冇計啦都坐底左,又咁辛苦行過嚟貴左都要食架啦,味道上變化唔太,只係份量變化太大,即係又貴又細左...唔怪得星期日既晚市都唔太多人....不過值得一讚既係有現場中樂表演(chiness live band)哈哈...咁岩我叫左菊花茶飲,又叫左菊花魚食,我仲講有菊花台聽呢就原美喇....估唔到食完野真係有菊花台聽...真係俾佢加返分,不過今次應該係最後一次,同類形既太多選擇喇,可惜..真可惜~

原來回憶既事永遠係最好,再尋找出來既答案永遠都再唔一樣~

情意結~

thai_crystal — Wed, 08 Jul 2009 02:35:07 +0800

以前我唔覺自己係感情上有咩情意結,但現在越嚟越覺,每當係facebook出現一個同名同姓既人我都會好感興趣,每當認識一個有相關元數既人,我都會特別上心....

以往都識過唔小同你有相似既人,到最後都係冇結果,今次識既人仲搞笑,開始識既時候已經好好傾,次次傾計都到天光,傾開先知佢都係住荃灣,咁岩以前又係住木棉下,再傾先知原來佢工作既地方就係我屋企附近,我仲講笑會唔會我地成日都擦身而過好似d老土電視劇咁.....不過lee種緣份既感覺真係好特別,可能佢未必係好好既人,不過佢係個好討我歡喜既人,佢咁用心我一定會俾機會佢既....

唔通事業同感情真係唔可以並存,有事業冇感情,冇事業感情就嚟....真係好古怪~

唔通真係做多d好事,我會走運,定係有朋友既祝福我可以行個尾運....或者係美夢一埸我都會開心~

闊別幾年真令人另眼相看

thai_crystal — Mon, 06 Jul 2009 02:02:45 +0800

忘記了幾多年沒見面喇,從朋友口中知你快做爸爸真替你開心,一直都知你係漁民今次有機會到你船上bbq真係好開心,聽朋友講你一直都怕有女仕到訪,怕女仕們覺得地方,環境唔理想,但對於我嚟講,你艘船好整潔,好有條理,係你講解船長室既運作時,哈我竟然覺你好專業,你細心地帶人去船內各部份既參觀,真係改觀不少....

記得我地係去泰國旅行認識既,你係朋友中都算係個話題中人,因為你係一個漁民所以好小機會留港,因為你係一個有錢人每次留港都消費好大...哈哈,反之我由旅行之後覺得你都係個愛玩玩鬧既花心人,可能大家係旅行時候各自有唔同既特別經歷發生過,所以每次見面都係吵吵鬧鬧,今次再見面我地冇再吵吵鬧鬧反之你仲成日問我係咪好悶,我覺得幾搞笑,成日見你好似欲言又止覺得好古怪,其實我都好羨慕你咁後生做爸爸喇...

今次bbq既野食真的豐富除左一般食物外仲有大蝦,帶子,蠔,秋刀魚等等....真勁,不過都唔及大風大雨下係船上燒咁有意思...第一次見識採漁船,可以去到船長室感覺好特別....

突然想起相識時大家吵吵鬧鬧時既模樣,發覺自己好似老左好多好多...不過你俾我既稱呼都係獨一無二....{上環人仕}每次聽到都感覺怪怪...不過真係第一次俾人咁標籤,lee個真係超級大細路~

原來旅遊一d都唔易讀~

thai_crystal — Wed, 27 May 2009 16:07:38 +0800

可能係岩岩開始讀旅遊關係,發覺lee行除左你要有心做,有興趣旅遊,仲要有好既英文程度,地理知識,航空,票務....好多野都要有知識,先可以做到,真係一d都唔容易...對我嚟講已經開始吃力....

之前上關於旅遊既課堂,都知道有好多野要記,不過都只係資料性既,但今期上票務既真係好吃力,個程式,每個指令都有一個code,每次更改都有個code,岩岩開始都覺咁困難,點算呀....仲要個導師教學有問題,好難令人明白,真係好擔心,唔知我得唔得...同一時間太多野記....記唔記得哂真係好有問題,唔怪得人地既旅遊課程要讀一年,我宜家知道一年既課程縮變一個月既課程,真係好難...開始驚past唔到...係咪真係努力就會成功呢?對電腦白痴嚟講,係咪可以克服障礙呢?我真係唔知,不過我會盡力...希望可以將勤補笨拙...

如果個電腦阿sir做下備課,學下教學,唔好到教人既時候唔識入code,又話自己好耐冇用lee個程式,咁又lee到講d果到又講d....搞到唔清唔楚....我就更加一頭霧水..好彩有坐格離既姐姐幫我,唔係真係坐左係到...唔知點好.....

好想平靜~~

thai_crystal — Sat, 26 Jul 2008 14:02:40 +0800

成日都家嘈屋閉係我屋企既特色,由細到大我都習慣屋企人嘈嘈哄,小小野都呀支呀左,可能人多就口雜,不過習慣還習慣,其實我好唔鐘意咁嘈...係返工既時候已經好哂精神,到唔使返工既時候想靜下,抖下,但好多時就俾人話,成日係到坐做下野啦,執下野啦,到我執野既時候又話lee樣要果樣又要咩都唔可以搞,唉...雖然我係佢地個女,但我真係唔知佢地諗咩law....

好似去台灣咁,我係好想大家可以一齊去,但佢地就覺得好大件事,要咩都推哂,要講大話攞假,要攞護照,將小事化大...唉~其實就唔到既我地都可以就下次去短線團架,今次係自由行未去都咁煩,去到就更加煩,本想開心,換返嚟就係煩惱~~~

可能係佢地心目中真係個仔係最緊要,一知道入到u就燒豬還神,差d要開香檳咁濟,不過講真,我唔係咁認同,佢個仔中7 唔讀書搞到用左3年時間讀副學士,宜家再入u都係同人地俾錢買証書冇分別,如果佢係有心機讀既就唔會成日掛住打online game,有時間就出去搵下part -time,唔會成日留係屋企做大少啦,好似d古代人咁細就驚佢養唔大咁,佢都咁大個人啦,成日唔係訓,就係食,打機,唉...好唔踏實law...唔係入到大學就有成就,我覺得做人都要做個有用既人,搵錢多唔多都係其次~~

沙田遊花園~

thai_crystal — Tue, 22 Jul 2008 00:24:16 +0800

前幾日收到but but既call話搵我去set 機,地點係沙田士多啤梨,我雖然覺得好古怪,冇啦啦佢果到又會冇人識set既....算啦應承左先,咁今朝一早10點半未到我已經到左係佢未有人開門,咁我唯行下先啦,但點知有人以為我遲到,d態度仲唔多友善添,算啦我都習慣俾人睇唔起,不過佢真係冇諗清楚係佢搞唔掂先搵我lee個外援,都算喇點知佢都唔知搞過d咩部腦個i d login 唔到咁我都幫唔到佢架,我又唔係整電腦既,我只係入資料架咋..仲想我等電腦公司搞掂個login再set,嘩佢地都傻架,我點知個人幾時嚟呀,不如我第日再去set過仲好,唉真係運吉架...反正都過左去沙田我就去double star搵坤坤啦,因為都lunch都幾阻佢做野,不過佢真係好好,又沖野俾我飲,又整蜆肉意粉俾我食,真係好好呀....其實我過去都係想八掛下阿恩lee個百痴婆點解會唔做,係咩事.真係好想知,因為之前先講佢好鐘意沙田叫佢調鋪佢都唔肯,可能有班冇自尊又聽佢d y理既白痴妹...但原來佢係人間蒸發咁消失,又係sms俾個老細,搵個阿媽放返公司鎖匙就算,嘩佢真係有問題架wo,都唔知係呃左人錢定係俾人呃左錢,要玩人間蒸發.....真係一個迷.....

新都會bye bye~~

thai_crystal — Fri, 18 Jul 2008 02:16:51 +0800

7月14日最後營業後到15號返去搞埋d手尾就完成任務,不過今次真係好例行公事,各同事都冇咩特別感觸,可能我同佢地感情唔太深,唔似做左成年既lcx咁有傷感,唔似做左個多月既將軍澳既唔捨得,今次係解脫...

不過冇諗過個半鐘就pack好野,咁but but就提議去美心飲茶,不過冇諗過去飲茶都會聽到說話,上酒樓要經過馬泰,我有個同事就話,e你成日咁驚經過,宜家始終都要經過...可能佢係冇心講,不過我聽左都有d唔舒服,但我知道我唔會再撞到佢,所以我都冇咩反應,就算真係撞到又點呀...飲完茶就去左唱k,不過大家都冇咩氣氛,同上次我同lcx成班去唱差好遠,唉.....

又執一間喇~

thai_crystal — Fri, 11 Jul 2008 10:29:50 +0800

lee幾個月公司既鋪一間接一間因租約問題結業,首先係鑽石山,跟住就係我地,之後就有新世界同埋沙田,不過講真呀入左lee間公司都習慣左佢地既營運模式,就好似我入左嚟年幾我都經歷到3間鋪既最後一程....

一直等,知就係7月中宜家終於都出左信,做到15號...其實我心情都好平靜,可能有心理準備所以冇咩太大既感覺,又一如以往停一停去個旅行先,再返嚟搵...雖然but but講lcx係9月會開,不過我既信心都唔太大,因為lee間公司變數太大lu,就算再開,都未必我可以順利反去,如果再返去又係7千幾我都唔會再返去,時間已經浪費夠喇,lee間公司又唔係有咩前途,我都唔會有咩希望...眼前只希望我家姐順利攞到假咁我地可以一齊去旅行...其實我都想搵多幾個人陪我去,不過唔知有邊個會陪我癲...

肚仔唔爭氣~

thai_crystal — Sun, 06 Jul 2008 01:16:47 +0800

都怪自己唔爭氣,個肚仔唔舒服,都唔知食錯左d咩,搞到肚他痛,所以冇出到嚟宵夜,希望下個星期再約到啦...真係唔好意思呀咁多位兄弟......

不過果日真係好攰一朝早已經約左8舊腹肌食早餐,因為我要返12點咁唯有早小小出嚟啦...可惜食左上半場...就要返工....唉返到公司又開始繁忙既一日....真係又熱又攰,又肚痛.....所以最後都決定唔去宵夜la.....

不過lee個月我真係將所有心機放係工作上,我做到架,專心工作,不過真係好攰~~~~~

唔知人地又做唔做到呢,有時我都好想打俾佢同佢講,我成功喇令到蝦我既人消失,更加左係公司地位...不過我最後都冇打到lee個電話...因為.........所以...

好耐冇見~~~~~

thai_crystal — Thu, 03 Jul 2008 01:33:42 +0800

真係好耐好耐冇見喇,琴晚就約左hey hey出嚟都好似係一個月到冇見佢,但佢好似發左福咁...可能佢真係好食好住又有愛情滋潤係唔同d既...哈哈...不過到星期五我地應該齊人出嚟宵夜架喇,大師伯叫到我更係call人出嚟啦,希望個個都出嚟啦...不過真係好怪個個都好耐冇見,一見到都係關心既我身邊人多d...可惜呀宜家我真係唔知佢點架...佢既野都係唔好問我喇.....

辛苦既6月份終於都過去喇,可惜既係跑唔到40萬,不過我地冇俾人睇死架,我同but but2個人都帶住班靚妹跑到38萬,雖然辛苦但我地係唔會俾人睇死,冇左2個垃圾(水吧&captain)我地平均每日都做到萬幾,仲有半個月je...我會捱到架.....只希望我既辛苦係值得...

好攰呀,一次過帶5個新人,仲要炒場.....but but放假仲慘又要睇場,又要睇住班靚,話就話有分區落嚟幫手,不過連續2個星期佢都係夜ma ma落嚟現一現身就撇.....唉又係蝦我....

我條命就係咁,得個做字.......唉~~

我公司又有大笑話~

thai_crystal — Thu, 05 Jun 2008 23:31:58 +0800

今朝一早開好個檔,點知有個"執達利"嚟左仲炒哂野,點哂數咁,仲有2個商場既人同我講,叫我落閘,咁我同廚房大佬都以為,唔使做生意,收得工啦,點知阿but返到嚟同個"執達利"了解左之後原來我地仲有7日限期,過左7日再欠租先拉人兼封鋪,等之前我仲同個廚房大佬咁開心,諗住可以去飲茶,仲係到講笑,點知...之後仲俾阿but話我天真...唉我點知wo,我又未試過欠租,又未試過破產,點知會有限期wo...以為立刻封鋪,唔使做架ma~~~

仲有樣搞笑既係,個水吧又玩放飛機,今次仲要係佢同d老細飲完野之後就話唔返工,仲要個老細sms俾阿but請假,唉真荒唐,不過個水吧更係以為好威,點知換返嚟係俾阿but係寫字樓嘈...總之佢真係好豬丙,仲以為好醒....不過我公司都唔係得一個豬丙,仲有個豬丙captain,話說前幾日阿but放假,佢又玩野,叫我叫飯食,到我個飯放到凍哂,先唔俾我食,想玩我咋ma,我都唔會因為咁怕佢law,我仲更加覺得佢白痴,冇腦,之後我同阿but投訴,佢真係有排受,今日阿but收到佢大佬阿loies問佢做成點,阿but直接叫佢接佢走啦不如,做野又唔掂,點知佢個所謂大佬講到明唔撐佢,佢可能仲白痴以為自己仲有得返身仲想調鋪,得罪阿but佢真係冇運行...仲諗住玩我,佢真係好天真,好傻.....哈哈~~~~

嚇死我喇.........

thai_crystal — Wed, 28 May 2008 01:23:53 +0800

今日公司外面既走廊燈熄左一半,咁工程人員就嚟開返d燈,就係我不以為意走出門口既時候天花既燈突然爆火,好似夜煙花咁,都係嚇死我,果刻勁驚真係......

不過到夜晚仲有樣野驚過爆燈~~~記得上個星期四我放假收到kenny既電話,仲話介紹佢個fd俾我識咁凡就順口叫佢打俾我啦,傾完第一次電話之後,已經冇咩好感但因為俾面個同事唯有應承同個傻佬去食一次飯,可能真係天意,約會當日因為公司忙到爆要ot,我已經同個傻佬講改第日約啦,我都唔知收幾點,點知個傻佬仲要係咁打電話嚟搞到我勁煩law,仲要嚟等我收工,不過我一d都冇理佢,由佢等,最後我仲同同事出旺角食野冇理佢....到今日佢又係咁8點幾已經嚟左葵芳等收工,仲開始係咁打嚟....可能but but知我約左個傻佬,叫我ot到9.30,我一口答應啦,佢咁鐘意等,咪等下law,不過最痴線既係佢又露面,又鬼鬼祟祟咁唔知lee埋係邊,又係咁打電話嚟,煩住哂,同佢講要ot,佢變態咁答我...我見你都係行行企企咋wo都冇野做,佢咁講je係佢完全清楚我既位置但我就見佢唔到law....超變態呀....果刻真係好驚呀......因為短短一個鐘佢打左差不多30個電話,留左十幾個留言......痴線架......本身有諗過見佢一面,但因為佢太痴線我決定再放佢飛機,希望佢以後唔好再搵我...雖然我冇人愛je,都唔好安排個傻既俾我啦.我受夠喇........

做善事.................

thai_crystal — Thu, 22 May 2008 13:09:00 +0800

四川地震既影響真係好大,日日都係新聞見到令人傷心既報導,有時見到盡心盡力救人既人員,不理安危既新聞記者,真係好令人感動,我覺得佢地真係偉大,反之我地一班出唔到力既香港人只可以出錢去幫助受災既人,不過我相信今次係香港最多人捐款既一次,因為我身體所有既同事朋友都有捐款,而我屋企仲合資$1500捐款,今次係第一次全家上下捐款,雖然錢唔係多但我覺得都好有意義,都係一點心意....而我間垃圾公司都將22/5-23/5號既營業額10%捐出,不過我覺得10%真係好小...可能得幾萬....唉人地d公司仔都做義賣...我地老細就吝嗇好多.....

不過人地唔講我都知我公司慳皮架喇,之前高調宣傳尖東既新店,又話整得幾靚幾靚,又話有幾高級,個名仲叫bar&restaurant....我同阿but都諗間野會靚過ot幾多呢?琴晚阿but帶埋我地落去睇下,一去到見到佢個黃色招牌(黃底黑字)已經扣哂分,再望間野既裝潢真係講唔出有幾高級,個廚房仲有個開放式玻璃窗d廚做咩都俾人睇到哂,搞到好冇私隱,個場仲有閉路電視架,係果到做野真係好慘,雖然係對全海景,但係食哂風law,真係風吹雨打,日曬雨淋....好彩既係我同but but到最後都冇落到去接手,如果唔係真係可憐lo,錢又搵到,仲要下下俾人受昅住.....佢果到d裝潢,燈光仲差過君薈坊,真係祝佢好運~~~~~~~

長隆~~~~~

thai_crystal — Sat, 17 May 2008 22:06:22 +0800

正所謂好既唔靈醜既靈,記得出發前一晚我家姐仲問我你唔使帶庶咩??我同佢講你唔好咒我落雨冇得玩呀~~點知一到步就開始落雨,唉心諗唔係咁邪MA,大家都決定食左野先,可能雨停就可以出去玩...可惜雨到傍晚先開始停,咁我地唯一既節目就係行超市,估唔到會買到野,因為見到好多口味特別,名字又古怪既野食,所以決定買返嚟試下....我就用左一百蚊買左2大袋,真係買都興奮,雖然價錢平,但味道都唔差架..